Liefde agter tralies

Liefde agter
, , ,

Resensie van: Liefde agter tralies – Carla van der Spuy

0 Comments

Twee sterre vir die die boek. Resensie deur Wanda Hartzenberg

My vrou se resensie. https://blujeansbooks.co.za/liefde-agter-tralies-carla-vd-spuy/

Liefde agter tralies-Carla van der Spuy 

Titel: Liefde agter tralies 
Skrywer: Carla van der Spuy 
Uitgewer: Tafelberg (NB-Uitgewers) 
ISBN: 9780624087007 

 

Julle, ek wou baie graag van die boek gehou het. Hoekom sou ek nie? 

Dit is Suid-Afrikaners se stories deur ‘n Suid-Afrikaner geskryf. 

Ware misdaad op die koop toe. Iets wat my altyd laat regop sit en aandag gee.  

Maar nee. 

Die boek, veral die laaste derde van die boek is deurspek met taal, spel, tik, drukkersfoute en selfs die engelse spelling van woorde elke dan en wan. Die taalversorging is power.  

Die deel wat werklik my aandag getrek en gehou het is die begin met die navorsing en dies meer. Daarvoor alleen kry die boek twee en nie een ster nie.  

Die persone met wie onderhoude gevoer is, is ook besonder goed gekies. Maar die onderhoude self laat veel te wense. Ek verstaan die skrywer wou die menslikheid van individue agter tralies na vore laat kom maar die behandeling van die misdade en dies meer het my apaties gelos. Daar was net nie genoeg vleis aan om aan te kou nie. So ek kon nie simpatiseer of empatie verwek nie. 

Die omslag is baie treffend. Dit verdien melding. Dit was deels hoekom ek die boek begin lees het. Jip julle, ek is so oppervlakkig. Die inhoud, wel nee. Ek sal dit nie aanbeveel nie. 

 

, , ,

Liefde agter tralies – Carla vd Spuy

0 Comments

Resensie gedoen deur Hantie Hartzenberg

Liefde agter tralies by Carla van der Spuy | Goodreads

Liefde agter tralies

 
Johann Nel, die Skierlik-moordenaar, gevonnis tot 168 jaar gevangenisstraf, vind liefde. Die jong vrou trou met hom, teen alle raad… Dít is ver van die enigste geval van so ‘n verhouding. Van diewe tot geweldsmisdadigers – selfs moordenaars – vind liefde agter tralies. Sulke mense word dikwels as monsters beskou, maar vir diegene wat op hulle verlief raak is hulle “die liefde van hul lewe”, of word hulle soos familie word vir mekaar. Die bekende misdaadskrywer Carla van der Spuy gesels met mense wat hierdie onwaarskynlike soort liefde self ervaar het. Daar is die bruid in boeie, tot sewe jaar gevonnis vir moord; die swendelaar wat sy lewe omgekeer het met die steun van sy nuwe liefde; mense in die tronk wat verstom is om liefde te vind op onverwagte plekke. Sy gaan klop ook aan by kenners en kyk na wat sulke verhoudings agter tralies dryf.
 
 
Wat het ek gedink van die boek:
 
Ek het dit boek gelees en dit geniet. Dit was n goeie seleksie van stories van die vreemdste mense. Die begin was vir my meer boeiend as die einde moet ek byse. Dit wil voel asof Carla aan die einde speod verloor het met die boek en dit meer net wou klaar kry. Dit mag dalk nie so wees nie, dis net my opinie. Die begin was vir my fassinerend oor hoekom mense val vir die spreekwoordelike ‘bad boys’ in die tronk. Dalk is hulle almal mal oor die oranje oorpak? Wie sal weet. Ek is bly daar is mense wat wel geluk gevind het na tralies en mag hul gelukkig wees vir ewig en n dag saam. 
Die boek is nie jou gewone ‘true crime’ boek nie. Dit is een met ‘n gelukkige einde en soms net simpel mense. 
Elk geval, as jy nie te vinde is vir die harde true crime nie, sal ek die boek voorstel om te lee. 
Met die navorsing en moeite wat Carla ingesit het in die stories en mense, verdien sy n 4 ster.