, , , , ,

Die nege lewens van Mevrou Smit

2 Comments

Die nege lewens van Mevrou Smit by Elizabeth Wasserman | Goodreads

resensie van die nege lewens van mervrou smit

Ek het Anna Atoom saam met my kinders geniet en gewonder of Elizabeth Wasserman die oorgang van tiener- na volwasse fiksie suksesvol kan maak. Ek was aangenaam verras.

Wat in die verlede is, moet in die verlede bly, want mevrou Smit is met haar negende lewe besig en dis hierdie avontuur wat lesers saam met haar beleef. Haar vorige agt lewens se ervaring help haar niks om ‘n wag voor haar mond te sit nie want wat sy dink, stroom by haar mond uit: tot groot konsternasie (vir die ander Aronspoorters) maar baie pret (vir die lesers). Mevrou Smit is ‘n mens-mens karakter met haar voller figuur en Hester, haar troetelystervark en mens leef jouself maklik in haar situasie in.

Soms was ek ‘n bietjie verdwaal omdat ek nog nie die eerste boek gelees het nie, maar selfs  met die hele dorp vol karakters, weet mens altyd wie is wie. Ek het die boek terdee geniet en kan nie wag om die eerste (en opvolgendes) te lees nie.

Die nege lewens van Mevrou Smit

Elizabeth Wasserman
Kan sy dit weer doen?Die fantastiese Mevrou Smit is terug! En daar is weer ’n geheimsinnige moord… Gaan die aweregse, hardekwas vrou met die skerp tong weer die moordenaar vastrek? Die nege lewens van Mevrou Smit is die heerlike opvolg op die gewilde Die fantastiese Mevrou Smit, die eerste boek in hierdie nuwe lekkerlees-spanningsreeks.Dié keer hou Aronspoort bruilof en die dorp bewe behoorlik van op-winding. Maar op die troudag verloop niks volgens plan nie. Nie met Mevrou Smit in die omtrek nie…Net voordat die skone bruid kansel toe stap waar haar aanstaande blouoogdokter vir haar wag, slaan dié se eksvrou morsdood in een van die kerkbanke neer. Pandemonium bars los. Was dit moord? En wie sal so ’n verskriklike ding op so ’n heuglike dag doen? Boonop loop die dorp onder ’n reeks boewery deur. Wie of wat skuil agter al hierdie boosheid en wat het dit met Mevrou Smit se eie donker verlede te doen? Sal sy die dorp en haarself kan red?
Geleen by  Goodreads